சின்னம் என்றால்
அடையாளம்,முத்திரை என்று
ஆயிரம் அர்த்தங்கள் உண்டு.
முத்தமும் ஒரு சின்னம் தான்,ஆம்
அன்பின் அடையாளம்.
தாய் தரும் முத்தம்
எல்லாவற்றுக்கும் அருமருந்து.
சேய் தரும் முத்தம்
பிறப்பின் மறுபயன்.
தாரம் தரும் முத்தம்
தெவிட்டாத தேனின்பம்.
காதலி தரும் முத்தம்
உற்சாகத்தின் உயிர்மருந்து.
அன்பை வெளிப்படுத்த
ஆயிரம் வழிகள் இருந்தாலும்
மனித உள்ளங்கள்
உடலின்பத்தையும்,
பொருளின்பத்தையும்
நாடுவதால்,இங்கே
விவாகங்கள்
வினாக்குறியாகி
விவாகரத்துக்கள்
விடைகளாகுகின்றன.
